ROTEIROS DE PRIMAVERA 2010
A ribeira de Paderne
de Souto ao porto de Miño
Percurso pola ribeira leste da ría de Betanzos, polos lugares de Souto, Chantada, Porto, praia da Xurela, Ponte do Porco e praia pequena de Miño. Aproveitaremos a marea baixa para camiñar pola ribeira e coñecer, da man de expertos en natureza, marisqueo e historia a inmensa riqueza natural e cultural da zona, ambas gravemente ameazadas.
Ánade real nas proximidades do Pedrido
As aves mariñas, as especies acuícolas, os xeitos de explotación tradicionais da ría, a rica toponimia da zona terán cabida neste roteiro, cuxo obxectivo é o de centrar a atención sobre o enorme interese da zona e pular pola súa conservación.
_______________________________________________________________________________
A nosa costa (2)
en barco polo golfo Ártabro
Roxin Roxal renova unha das actividades que ergueron maior interese nos últimos anos. Partindo do porto de Perlío e a bordo do Rías Altas este roteiro persegue achegar a secular vivencia da ría desde o mar. Os castros costeiros, as praias enseadas e poboacións, os puntos de interese e incluso a gastronomía da zona terán cabida neste roteiro marítimo que terá unha duración dunhas sete horas de mar e terra.
Prezo: socios con pagamento ao día: 15 euros
Non socios: 20 euros
Nenos menores de 12 anos: 5 euros
Hai límite de prazas.
____________________________________________________________
fotografía: Xosé Suárez
Xente de pedra en barcos de pau
A ría de Muros e Noia
Percurso histórico e etnolóxico pola ría de Muros, que inclúe un extraordinario roteiro a pé polos petroglifos próximos a esta localidade costeira.
Tamén visitaremos Portosín, onde teremos a oportunidade de coñecer de primeira man a actividade do seu porto pesqueiro, e o castro de Baroña, mítico asentamento costeiro galaico.
.jpg)
Prezo: 70€ socios, 85€ non socios, 40€ nenos menores de 12 anos.
Suplememento cuarto individual: 15€
Contacto: roxinroxal@yahoo.com
_________________________________________________________________________
Vídeo de youtube sobre as actividades de Roxín Roxal en 2007
BENVIDOS/AS A ROXÍN ROXAL
Coa creación desta nova web abrimos un espazo de encontro e intercambio de información, datos, imaxes e opinións. Esperamos que sexa unha ferramenta útil para todos vós! Navegando por ela poderás atopar moita información relacionada con Roxin Roxal, as novas da asociación, as actividades feitas e as previstas, as galerías de fotos, as zonas de participación activa, así como outras informacións que poden ser da vosa utilidade. Benvido/a de novo e grazas pola túa visita!
