Sábado, 04 Xullo 2009
27 E 28 DE XUÑO: A VIA XVIII
ROXIN ROXAL ORGANIZA UN ROTEIRO POLAS TERRAS DO XURÉS .jpg)
Os próximos días 27 e 28 de xuño (sábado e domingo) a Asociación Cultural Libre de Paderne Roxín Roxal realizará unha visita cultural a terras do Xurés, lugar de extraordinario interese histórico e natural. Neste percorrido visitaremos o castro de San Cibrao de Las, impresionante e pouco coñecido asentamento galaico romano e as ruínas do campamento romano de Aquis Querquennis, perto de Bande. O roteiro principal da viaxe discorrerá a pé ao longo dun treito da Vía Nova ou Via XVIII, que no tempo do imperio romano comunicaba Braga e Astorga. No camiño visitaremos a localidade portuguesa de Tourem e outros interesantes bens patrimoniais de ambas marxes desta zona fronteiriza.
O aloxamento terá lugar na localidade de Lobios, ao igual que os xantares de ambos días. O prezo será de 65 euros para os socios, 80 para os non socios en cuarto duplo, cun suplemento de 12 euros en cuarto individual. A saída será ás 8.30 horas do sábado 27 desde a praza do Concello de Paderne.
Para participar debedes
1. Reservar praza no correo electrónico roxinroxal@yahoo.com ou nos teléfonos da asociación.
2. Aboar antes do 17 de xuño a cantidade correspondente na conta de correos de Caixagalicia 2091 0087 33 3040007877, indicando o nome das persoas que se anotan.
3. Unha vez recibido o ingreso, enviaremos o bono de confirmación.
As prazas son limitadas (un autocar) e os socios terán preferencia.
AVISO (02/06/09): Unha vez completadas as prazas para esta actividade, as persoas que desexen anotarse a partir de hoxe quedarán en lista de espera.
_________________________________________________________________________
Vídeo de youtube sobre as actividades de Roxín Roxal en 2007
BENVIDOS/AS A ROXÍN ROXAL
Coa creación desta nova web abrimos un espazo de encontro e intercambio de información, datos, imaxes e opinións. Esperamos que sexa unha ferramenta útil para todos vós! Navegando por ela poderás atopar moita información relacionada con Roxin Roxal, as novas da asociación, as actividades feitas e as previstas, as galerías de fotos, as zonas de participación activa, así como outras informacións que poden ser da vosa utilidade. Benvido/a de novo e grazas pola túa visita!
