Pontedeume, vila medieval (07/10/2007)

Os enterramentos da igrexa de Santiago, no cimo da vila, son testemuña en pedra do pasado das clases podentes de Pontedeume.

 

 

Domingo 7 de Outubro, 9.30 horas, no peirao de Pontedeume.

 

Se o ano pasado da man de Xesús Torres tivemos a oportunidade de facer un percorrido pola historia de Betanzos, este ano completaremos a visión histórica urbana da zona cunha interesante visita a Pontedeume.

Carlos de Castro, historiador eumés de orixe palentina e profesor desde hai anos no IES Breamo de Pontedeume, levaranos a coñecer os fitos máis importantes da historia da vila a través do seu abondoso patrimonio artístico e arquitectónico. Ao final do percorrido subiremos á ermida de San Miguel de Breamo.

 

É moi de agradecer a valiosa colaboración que estamos a recibir por parte do Concello de Pontedeume (páxina en construción) na organización deste roteiro.